![](/america/cpscustour97/images/trip/19970501_001.jpg)
這便是傳說的「The Henry Pose」
|
|
|
早上七時,Rosetti 好辛苦咁o係一樓爬上四樓叫醒阿 Ben。「訓」o左一晚,真係好爽,除o左朝頭早o個陣勁凍啦…
原本大家諗住用 SJF 入 I/O,但係 Michelle 無端端 preempt o左隊長,所以隊長就走出去「渣」架車過番o黎門口到(架車本來係泊係馬路側邊),點知,隊長又出事。
原來門口係禁區,隔離個八鬼婆一路o係到鬧隊長,o係隊長不知所措之時,交通部長阿 Ben 當即衝門而出。唔係,阿 Ben 唔係鬧番個鬼婆,而係低聲下氣向八鬼婆 salam,事件先可得而平息,真係委屈o左阿 Ben 囉!
另外,因為係三樓 I/O processor 附近有 Rosetti 之父呢個 bug o既關係,暫時未能運作,剩低一個 I/O processor,而又要 serve 成5個半 jobs,搞到我地又遲o左出門口。
首先要去機場接大家姐 Kit Kit(佢今日先至o黎 meet 我地!),因為遲o左出門口,我地幾驚阿 Kit 會以為我地唔去接佢,而o係機場度喊呀!不過,當然,佢係大家姐,梗係唔會因 D 咁小o既事而喊啦!
可能亦都係大家姐降臨 Vancouver 啦,天氣都幾好,起碼無落雨有太陽,而阿 Fan 則變番佢自己所謂既太陽之子喎!
|
隊長發音:「see-yar-ter-sant-ter」
|
|
|
Kit Kit 和 Ben Ben 玩雪糕
|
去到機場,只見 Kit Kit 好無奈咁坐o係度等(唔係咁坐點坐啊?)。眾人登時感到甚為內疚,但見 Kit Kit 帶o左個 hockey 袋鬼死咁大,阻鬼住晒,所以內疚感即時無晒 lu…
跟住去碧豪閣飲早茶。入去o既時候,全餐廳o既人都投以奇異o既眼光望住我地,可能大家都o係到諗:「點解呢班細路會咁早起身飲茶o既?」(當時只不過係九點幾!)算啦,D 人無見識,唔同佢地計較。
點知碧豪閣服務態度極差,激氣!而o個陣時,因為隊長個「仔」 Henry 唔o係到,我地為o左減低佢o既「思仔之苦」,就o係個陣叫佢做「老豆」。而隊長就無端端多o左幾個仔女啦!飲完茶, D 人又入 I/O 清清 I/O burst,然後就落 US 喇!
|
|
|
過關之時,因為阿 Ben 係 visa student o既關係,全世界要落車入 custom。Custom 條友鬼死咁寸,又掟 passport,又搞到阿 Ben 好耐,o係阿 Ben 想俾6蚊o個時又唔見人,個 washroom 又 out of order,整到隊長猛話:「爆缸啦!」最後離開 custom 去到油站問題先可以解決。
本來首先係去o係 freeway o既 factory outlets o既,點知因為阿 Ben cut 車,miss 鬼o左,所以無去到。咁我地就直「渣」去 Seattle 喇!
|
隊長在玩o野
|
|
|
![](/america/cpscustour97/images/trip/19970501_004.jpg)
(國語)起來,起來起來起來!
|
|
入到 Seattle,我地首先去 Seattle Center(隊長發音:「see-yar-ter-sant-ter」)。阿 Ben 搵 parking,點知行錯路,竟然「渣」o左架車上o左去個 park o既行人路。(其實都唔可以怪佢o既,我地又唔熟路,條路又咁大,鬼知行人路o黎架咩!)
終於,係晴天霹靂之下,阿 Ben 立時掉頭,最後都o係 Seattle Center 對面搵到 parking。而 parking 俾錢個木箱都幾特別,我地鄉下仔,係未見過 D 咁既 parking 俾錢箱架啦!個箱外型似個好大o既 money donation 箱(仲係紅色o既添!),
但係呢個就有好多個窿,而每一個窿有個 number,你架車 park 係邊一個 number o既位就入錢落邊一個 number o既窿度,係咪好簡單呢?真係大開眼界!
|
|
CPSC 6子全家褔
|
|
|
大家姐阿 Kit 在此
|
跟住,我地o係 center 入邊食下雪糕,食下 lunch。唔係食 D 咩野,又係類似 Machall D o野,又o係 gift shops 買o左o野!阿 Fan 亦都o係到搵到佢o既仔 —— 馮霆軒。
跟住,阿 Ben 就話想去個碼頭o個度,佢話佢以前去過,但係就唔知咩名。我地搵o左好耐都搵唔到佢想去 o個個地方,跟住,我地見到一度類似o既地方,大家都想行下,咁就搵位泊架車喇!o個度又係個碼頭,好似係叫 Waterfront Park。
行o左陣,又影相又成,無行晒成條街,因為太長。行到大約一半,我地就番轉頭「羅」車,卒之都無搵到阿 Ben 想去個碼頭。
|
|
|
隊長 Stephen 正在拍攝他最新的音樂MTV
|
|
好喇,出車俾 parking 錢o個陣,哎呀,竟然間要 US$5。我地淨係 park o左個幾鐘,點解要咁貴呢? 無他o既,因為我地入 parking lot 時無睇清楚個收錢牌。佢話4點之後就要收5蚊啊,衰鬼如果唔係,2蚊就得啦!呢個故事教訓我地,第時 parking 前,千千其其要睇清楚個 parking price list!!!
出車之後,我地又繼續搵阿 Ben 講o個個碼頭!不過越行越遠,都係唔知係邊。後尾停o係路邊,阿 Ben 走o左去問有個「渣」 Eclipse o既人o係邊,個人咁 o岩順路,所以就帶我地去。好喇,o個個好人帶o左我地去之後,我地先發覺原來就係頭先 Waterfront 再行前少少,真係把鬼!
呢次真係天意啦! 因為o個度係個好長o既碼頭,所以我地之前都無行去o個度。而o個度亦都無一個地方名,淨係叫做 Pier 53、Pier 54… 所以唔怪得阿 Ben 唔知個名啦!
然後,我地又o係o個度行多陣。當天開始黑,我地就要食 mum mum 啦!全世界都話要食海鮮,除o左 Gilbert,因為佢要戒口,唔食得蝦同蟹,真係陰功!卒之我地都去o左 Crab Pot 食,而 Gilbert 就叫o左碟三文魚食。
o個間o野好鬼特別,佢地將 D 蝦啊、蟹啊,咩 Q o野都倒係張檯上面,等你地自己用手「羅」o黎食,仲俾埋個小槌仔你o黎打爛 D 蟹殼。阿 Gilbert 因為係食三文魚,所以佢就有文化少少,at least 佢有叉用啦!
|
|
在遠方,於西雅圖天空… Mich 在 Seattle downtown
|
|
|
食完o野,我地就去o左 Seattle 間 Planet Hollywood 參觀下佢o既廁所,都幾靚,不過就無o係廁所影相啦!然之後,就o係度買 souvenirs 囉!搞完一輪,我地就開始「渣」車去 Portland 啦!
將要接近 Portland 之時,已經係12點半 AM,為o左銀包安全起見,我地係 Freeway 租 motel住。o個間叫做 Scandia Motel,46蚊一晚。不過我地話俾佢地聽得4個人,所以我地其中兩個人就要好似偷渡咁偷走入房。
入到去o個陣,米雪兒同埋阿 Fan 係咁同逐個講話間 motel 有廁所但係無沖涼房,個個走入去睇,都話:「唔係啊哇!」都係大家姐 Kit Kit 聰明,推開 Michelle,拉開洗手間個門,然之後,就見到個沖涼缸啦!
真抵死,因為一打開度門,就會遮住o左個沖涼缸架啦! 所以係睇唔到既。間 motel 都okay啦,有兩間房添!
|
Ben 要係 Planet Hollywood 到買o野
|
|
|
馮帆與船
|
阿 Ben 係第一個「訓」落床既,佢「渣」o左成日車都好「支力」架啦,好快就「訓」到 ger ger 聲。最搞o野係阿 Ben 同隊長訓埋一張床,但係,佢兩個竟然係掉轉番o黎訓o既!唔知係邊個驚邊個呢?而 Kit Kit 同埋阿嬌嬌係度等 I/O o個陣,
兩個就 o係到打 gameboy 打到你死我活咁,係咁聽到阿 Kit Kit o係到嗌「哎呀」(唔好睇阿 Kit Kit 讀書咁叻,原來打機都唔遜色,佩服佩服!) 之後,米雪兒亦都同阿嬌嬌玩o左2次雙人 Tetris,一次 Gilbert 贏,一次 Michelle 贏,
Gilbert好唔憤氣啊,卒之,Michelle 同埋阿 Kit Kit 都頂唔順,「攤」落床就一覺「訓」到天光。o個晚,佢地兩個為o左安全起見,都唔敢熄燈「訓」覺,講笑 jeh,其實佢地係唔記得熄燈,所以盞燈就開到第二朝早。
|
|
|
6 個小朋友在 Crab Pot 食 mum mum
|
|