|
|
May 2 Friday
疑團一：究竟呢座山係咪火山呢？
因為今日我地差唔多成日都o係架車入面，所以無影到相！
朝頭早七點半，Kit Kit 首先起身擦牙洗面，然後叫 Michelle。但係 Michelle 有如死屍一般，一 D 反應都無，就係因為一個 Michelle 而搞到全世界 I/O 都 delay o左二十分鐘，要到十點鐘先至出得門口。
好喇，整裝待發，我地又要玩偷渡喇！搞o左一輪之後，全部人順利過渡，可以出發去 Portland lu…
去到 Portland，以為可以有 D 咩野參觀參觀，點知原來係「Portland 咩都無」o既。咁係全車人一致通過六票對零之下，我地決定直接「渣」車去三藩市喇！Michelle 同埋 Kit Kit 本來好想去
Mt. St Helen Volcanic Park 睇火山同埋佢造成d破壞，但由於時間o既關係，我地卒之都無去到。
我地既早/午餐係o係途中有間麥記麵包店度食，我地 CPSC 6子由離開 motel 到家陣，除o左飲 D 維他奶、麥精、菊花茶同食 D 零食，都未正正式式有野入肚，當然係麥記要醫醫我地既神仙肚啦！
又唔知適逢麥記 D 咩鬼野，買包送 form，填完 form 又送包，所以個個都多o左個麥記麵包當夜晚飯喇（一日三餐都係麥記…）！亦都係呢個時候，米雪兒為呢個日記作記錄之時，俾人「跣」，唔小心講o左句佢唔知係粗口既說話，
搞到大家話第時如果要米雪兒講粗口，就將原本個句說話讀「meh」 D 音，然之後，俾米雪兒讀，佢就會讀個o岩既音出黎架啦！
食完o野，告別麥記之後，我地就正式踏上去 San Francisco o既征途。呢個係一個非常之長既路程，由 Portland 去到 San Francisco 要差唔多一日時間。而係途中，我地見到一座好靚既山，
而當時，我地o既第一個疑團亦出現 —— 究竟呢座係咪火山呢？
呢座山我地之後先發覺原來係叫 Mt. Shasta（而米雪兒係番去 Calgary 之後，有日係電視既 Discovery Channel 睇到關於 Mt. St. Helen o既野，而節目亦都有提及 Mt. Shasta 亦都係一座火山，
仲好似係 dormant 個隻添！所以我地呢個疑團亦都終於解開o左）。
成日就係o係到坐車，一路去o左 N 次 I/O，而 Gilbert 就好為大家著想，用佢既手提打長途電話俾係 Calgary 既 Tammy，問下各位451 D分考成點。係咁長o既路程當中，我地除o左係架車聽歌，最主要都係聽廣播劇，而我地今次係聽郭富城同埋彭羚既
「戀愛1/2」。一聽廣播劇，個個都好留心，無「訓」覺。聽廣播劇亦都係一個可以令我地既司機先生 Ben Ben 無咁悶，唔會瞌眼訓既方法，不過非常之可惜，「戀愛1/2」係我地聽到差唔多臨尾o個陣，最後一餅帶竟然可以唔見o左，
所以我地都唔知個結局係點！隊長話佢會作個 ending 出黎喎…（不過唔使啦，因為番去 Calgary 之後，Michelle 問o左人，人地話俾 Michelle 聽，最後阿捷係同阿雪一齊，而 Cindy 就因為明白o左，所以離開阿捷。嗯，大家係咪都鐘意 D 咁既 happy ending 呢？）
行到天黑，唔知去到邊o個時，我地屈o左鬼妹仔 Michelle 去打電話訂 San Francisco o既酒店，問o左好耐，卒之訂o左間係 San Fran Downtown 叫做 Days Inn o既。之後，我地有 D 就去o左o個度有間 Subway 買麵包當晚餐（朝早o的麥記麵包呢？）。
休息完之後，我地又繼續行喇！大約行o左無幾耐，係深夜十二點之時，一架白色而又帶有各式各樣屁蟲屍體骸骨既 Ford Windstar 終於出現於三藩市既範圍之內……
|
|
|
